Ոտքերի կոշտ կրունկների դեմ պայքարելու համար օգտակար է շաբաթական 1-2 անգամ ոտքերը սոդայաջրով և անուշադրի սպիրտով լվանալը: Եթե հոգնեցուցիչ աշխատանք եք կատարում, շաբաթը երկու անգամ ոտքերը շփեք գերչակի յուղով ու հագեք բամբակե գուլպաներ: Առավոտյան ոտքերը կլինեն փափուկ ու թավշանման, իսկ հոգնածությունը լրիվ կանհետանա:
Կոշտուկները տրորեք լոլիկի շերտով: Լոլիկի հյութը բուժում է նաև ոտքերի սնկային հիվանդությունները: Եթե կոշտուկները հին են, կարելի է ոտքերը դնել երիցուկի կամ փշատերևի թուրմի մեջ` 1լ. ջրին 1ճ.գ չափաբաժնով: Հետո զգույշ տրորեք պեմզայով, սնուցող քսուք քսեք:
Ճաքճքված ոտքերի համար օգտակար կլինի կաղնու արմատներով պատրաստվող թուրմը: 500գ. մանրացրած արմատների վրա լցրեք 3-4լ. ջուր, կես ժամ եփեք և օգտագործեք եփուկը թրջոցների կամ լոգանքի ձևով: Քրտնարտադրությունը կանխելու համար օգտակար է կաղնու եփուկով լոգանքը:
Հոգնածության դեմ լավ միջոց է նաև դաղձը: Թուրմը պատրաստելու համար անհրաժեշտ է 5ճ.գ. չոր դաղձի տերևի վրա լցնել 5լ. եռացող ջուր և թողնել 1 ժամ: Քիչ սառելուց հետո ոտքերը դրեք մեջը, պահեք 10-15 րոպե: